Schnitzelbänke

 

FGR Home
Wir stellen uns vor
Jahresprogramm
Fasnachtsprogramm
Sonstige Aktivitäten
Rückblick
Mitgliederinfo
Links
Kontakt
Beitrittsformular
Fotos

Schnitzelbänke
Jubiläum 2002
Helferfest
Sujets

Dorfschnitzelbank Rickenbach

 

Noch Tage bis zur Fasnacht 2018

 

      Schnitzelbank 2017         

 

 

Das Johr si mir, statt als Wüehlmüüs, als Wasserrattä do.

Dass d' Gälterchinder "Jo" gseit hei, freut eus jo eso.

Denn, wenn si nämlich "Nei" gseit hätte, das wär würklich schad, 

müesste mir im Ammeler Weier bade, statt im Hallebad.

 

Eus dunkts, die Gälterchinder möche de Sissecher alles noh.

Am einte Ort het s Kunschtidach, am andre s Badidach lo goh.

E Begegnigszone gits jetz au, d Gälterchinder hets nid groue.

Jetzt ischs nur no e Frog vo dr Zyt, bis si e Umfahrigstunnel boue.

 

D Eröffnig vom neue Gotthard-Tunnel isch es riise Heileit gsi.

Alls wo Rang und Name het isch an däm grosse Fescht derbi.

Doch s Doris in däm wisse Fätze, die het mi scho verwirrt,

Denn im erschte Momänt, do hani dänkt, jetzt het sich s Bölchegschpängscht verirrt.

 

Dr Kaiser Franz luegt uf Öschtrich abe, usem Himmelstor.

„Sisi, chumm emol cho luege, das isch jetzt nid wohr!

Eigentlich sett me dene Seppl wieder e Kaiser anestelle,

wenn die in 200 Johr nid glehrt hei, wie me duet Stimme zelle!"

 

Dr Mike Shiva wirft sini Charte furt - will sich neu orientiere.

Hockt mit bluttem Arsch ines Ameisenäscht, duet Spinne-Urin deguschtiere.

Misst d' Längi vo de Murmelischwänz, zellt Kamelhoor uf me Höcker.

Er sig drum an dr Ufnahmeprüefig als Muotataler Wätterschmöcker.

 

Er well dr Lehrerin d Hand nid geh, seit er zum Schuelverwalter.

Dä arm Bueb isch halt blibe stoh im tiefe Mittelalter.

Vilicht müesst me halt d Haselstäcke wieder füre neh

und däm, wie's damals üblich gsi isch, e rächti Tatze geh.

 

Hesch au scho ghört vo dene Horror-Glöön, wo d' Lüt deue verschrecke?

Wo mit lutem Gschrei und hässliche Fratze bravi Bürger necke?

Dä Trend chunnt us Amerika und dört hei si, sappermänt

sogar jetzt sone Horror-Gloon als neue Presidänt.

 

E Tramp in Arsch, dä duet nid guet, nei eher scho chli weh.

E Tramp ans Schiinbei mit voller Wucht, das schmärzt di no vil meh.

E Tramp zmitts in d' Chronjuwehle, das isch au nid fesch,

aber richtig schmärzhaft wird's erscht wennd e Tramp in dr Regierig hesch.

 

Mit vollem Ranze und ganz träg duet dr Hansli uf d Schissi grätte.

Nach Speck und Bohne het er s Gfühl, als würds ihn bald verjätte.

Usem Bad ghörsch denn e lutte Knall, mir alli si schockiert!

Do rüeft dr Hansli: „S isch nid so schlimm, mir isch nur s Händy explodiert!“

 

Bi dr letschte Polizeikontrolle hanni müesse ins Röhrli schiffe,

will si hei welle wüsse eb i deug suffe oder kiffe.

Wo dä Tschugger s Wässerli prüeft, do verjagts ihn schier:

Das sig 1:1 die glichi Mischig wie im Farnsburg-Bier.

 

Grille, Heugumper, Würm und Made – alls chasch neuschtens ässe.

Dr Coop dä witteret s grosse Gschäft und isch druf ganz versässe.

Au mir si jetzt bald Millionär, mir säges ohni z Liege.

Mir verchaufe nämlich Mon Cherrie mit Chirsiessigfliege.  

 

Das wär euse Querschnitt gsi, was goht uf dere Wält.

Doch all Tag in dr Badi z hocke, choscht halt scho chli Gäld.

Drum chömme mir jetzt mitem Kässli no bi euch vorbi,

Deut bitte am Liebschte eifach Gäld und kei Wasser dri.

 

Wenn dir e Huffe gäbet si mir glücklich und si froh,

mir deue villmol Dankschön säge und s nächscht Johr wieder cho.

Diese Schnitzelbänke sind das geistige Eigentum der Fasnachtsgesellschaft Rickenbach. 
Sie dürfen nicht ohne unsere Erlaubnis kommerziell verwendet werden.